من غير حرمان

المرة دى مش هاطول عليكى هاقولك النظام اللى هانمشى عليه
اولا-نظام غذائى من غير حرمان:هنا عاوزة افكرك بحديث الرسول صلى الله عليه وسلم “ما ملأ ابن آدم وعاءً شراً من بطنه.بحسب ابن آدم لقيمات يقمن صلبه،فإن كان لا بد فاعلاً فثلث لطعامه وثلث لشرابه وثلث لنفسه) (رواه الترمذي)  هو دا نظامنا اللى هانمشى عليه اننا مانوصلش للشبع

1- بمعنى هانقلل بس كمية الاكل اللى بناكله وناكل كل اللى نحبه بس الطبخ يكون بطريقة صحية يعنى مانكترش الزيت والسمنة لان كترهم بالاضافة انه بيتخن بيضر الكبد جدااااا وبيسبب امراض دهون الكبد وسرطانات وامراض احنا فى غنى عنها

2-مانكترش الملح لانه بيحبس الماية تحت الجلد وبتبانى اتخن دا غير برضه انه بيضر الكلى.

3-مانكترش البهارات والتوابل لانها بتخن برضه.

4- لو عاوزة نزول سريع فى الوزن وخصوصا البطن والكرش يبقى بلاش رز ممكن عيش مكانه.

5- لو باقى عندك اكل كتير ومستخصرة ترميه عينيه ليوم تانى فى الفريزر ولما تخرجيه هايكون فريش اكنك لسة طابخاه او عينيه فى التلاجة لولادك ليوم يكون فيه اكلة مابيحبوهاش او اى ظروف او حتى اديه لحد من الجيران او حد محتاج. دا مش معناه انى هاحرم نفسى لا انا بقول كدة للناس اللى بتبقى خلاص شبعت بس بتاكل زيادة عن حاجتها عشان الاكل مايترميش، خلاص مالكيش حجة.

6-ضيفى للاكل حوارق الدهون واللى هاتكلم عنها فى مقالة تانية ان شاء الله بعنوان حوارق الدهون وماتقلقيش من الطعم لانها بتخليه احلى وجربى…

7-ممنوع 7 عادات بعد الاكل هانعرفها المقالة الجاية على طول وهانعرف ليه.

ثانيا:الرياضة
ودى هانقسمها لاقسام وكل قسم هانتكلم عنه بالتفصيل فى المقالات الجاية وهى:
1-المشى:ودا رياضة للجسم كله
2-رياضة مخصصة لكل جزء عاوزاه يخس زى البطن ،الارداف،الصدر،الزراعين، الوسط

المقالة الجاية هاتكلم عن العادات الممنوعة بعد الاكل