ليه وزنى ثبت والريجيم مابقاش يجيب نتيجة؟؟؟؟

كلنا بنلاحظ لما نبتدى نظام غذائى او ريجيم او تمارين رياضية ان الجسم بيستجيب فى الاول للنظام الغذائى او الريجيم او التمارين الرياضية دى والوزن بينزل  وبعد كدة بيقف، ده ليه؟؟

لو انتى مثلا بتاخدى 2000 سعر فى اليوم وجيتى بعد كدة اخدتى 1000 سعر الجسم بيفضل فترة يحرق 2000 وعشان كدة الوزن بينزل وبعد الفترة دى بيعود نفسه على حرق 1000 اللى انتى بتاخديهم بس ، وعشان كدة بتحسى ان وزنك ثبت ومابقاش فيه نزول فى الوزن.

عشان كدة لازم تغيير نظام الاكل او الريجيم كل فترة يعنى مانثبتش على نوع اكل معين او ريجيم واحد نغير الريجيم كل اسبوع وبعد كل نوع ريجيم ناخد يوم راحة ..
وكذلك التمارين الرياضية نغيرها كل فترة، فاجئى جسمك بحاجة ماكانش متوقعها.
مقولة “لا تكرر نفس السلوك منتظراً نتيجة مختلفة “
يعنى جسمك اتعود على النوع ده من الريجيم ومابقاش ينزل خلاص غيرى الريجيم ماأفضلش اكرره وانا عارفة انه خلاص مابقاش يجيب نتيجة.