قبل ماتعملى تمارين خدى بالك من النقط دى

قبل ماتعملى التمارين الرياضية ايا كان التمارين دى سواء لتخسيس البطن او الارداف او شد الصدر او غيرها لازم تاخدى بالك من حاجات مهمة وتبقى دى قاعدة عندك
اولا :قبل ماتبدأى تعملى اى تمارين رياضية لازم تسخين ممكن مشى او جرى فى المكان.

ثانيا: لازم تلاحظى كل حركة فى التمرين بتتعمل ازاى يعنى مثلا تمرين زى ده

لاحظى الرجل من ورا عاملة ازاى ملفوفين حوالين بعض لاحظى كمان الارتكاز هنا على كف الايد مش على الكوع لاحظى كل تفاصيل اى تمرين عشان تحصلى على النتيجة من التمرين.

ثالثا: لو كنتى مامارستيش تمارين رياضية قبل كدة وهاتبدأى تمارسى ابدأى بعدد صغير من تكرار التمرين بمعنى اعملى مثلا التمرين اللى فات ده خمس مرات اول مرة وبعد يومين خليهم عشر مرات وبعد اسبوع خليهم عشرين مرة،دا علشان العضلات ماتشدش عليكى وتتعبى.

رابعا :اول مرة بتعملى اى تمرين بيبقى صعب بس بعد كدة بيبقى سهل ماتقلقيش

دا اللى فاكراه دلوقتى ولو افتكرت اى نصيحة جديدة بالنسبة للتمارين الرياضية هاضيفها
واتمنى تتابعى قسم النصائح ان شاء الله يكون مفيد وفيه نصائح جديدة واول مرة هاتعرفيها
ولو فيه اى استفسار انا تحت امرك اسالى وانا اجاوبك

تعليقات
  1. Anonymous

    شكرا انا رح اجرب وانشاء الله في فائدة من نصائحك

  2. desir51

    ان شاء الله تحصل على النتيجة اللى بتتمناها وتقولنا تجربتك

  3. Anonymous

    الله يعطيك العافيه وانا هجربها وننتظر المزيد منك

  4. احمد محمد

    شكرا علي هذه المعلومات المفيده