خسى من غير ماتحسى

اتكلمت المرة اللى فاتت عن تأثير العامل النفسى فى الرشاقة والتخسيس خطة جبارة للتخسيس بدون ريجيم ولا دايت
النهاردة هاقولك ازاى نزبط العامل النفسى بحيث مانزهقش ولا نحبط ونتراجع فى هدفنا اللى هو الرشاقة والتخسيس
اولا:ماتقوليش لحد انك نويتى تخسى عشان تعمليها مفاجئة للكل لما بعد فترة يلاحظو انك خسيتى طبعا انتى مش هاتخسى فاجاءة لكن بعد فترة ممكن تلبسى حاجة ماكانتش بتدخل فيكى او كانت بتبين عيوب جسمك ساعتها هايتفاجئو وهاتبقى فرحانة اوى بالمفاجاءة دى صدقينى وجربى..اما بقى ازاى هاتدارى انك بتعملى حاجة تخسسك قدام اللى معاكى فى البيت تابعينى وانت هاتعرفى

ثانيا:شجعى نفسك دايما بانك كل يوم مثلا بصى لصور زى دى

مش نفسك تلبسى حاجة زى دى؟؟

ثالثا :ماتوزنيش نفسك غير بعد شهر لو هاتوزنى لانك بعد شهر مش محتاجة توزنى نفسك اصلا لان هاتلاحظى بنفسك شكل جسمك اتغير ازاى واوعى تقيسى بالمازورة لانك كل مرة هاتقيسى من نقطة ومكان مختلف فاهتحبطك جدااا

رابعا :ماتستخدميش اى ادوية لحرق الدهون ولا اى حاجة لان اغلبها بيسبب اكتئاب

خامسا: هانعمل رياضة بس ماتخافيش هاقولك على برنامج هاتحبيه جدا فى الرياضة مش بس كدة هايسبقه مشى ولو فى اوضة فى البيت والمشى هاتلاحظى انه اصلا بيسبب سعادة وبيضيع الشعور بالاكتئاب ده لان المشى بيساعد على التخلص من الضغوط النفسية ومن تجاوب الجهاز العصبى وده ناتج من المركبات اللى بيفرزها الجسم خلال المشى وهانعرف تأثيره بالتفصيل فى المقالات الجاية بس تابعونى.

سادسا:واهم حاجة استعينى بالله وادعى ربنا فى صلاتك تخسى بكل صحة واستغفرى بنية الرشاقة والتخسيس والصحة وكل اللى تتمنيه.

سابعا: لو كنتى حامل او بترضعى ماتقلقيش انك هاتأثرى على الحمل او الرضاعة بس فيه رياضات مخصصة للحوامل هانعرفها بعدين.

ثامنا: لو حسيتى انك زودتى الاكل فى يوم او قصرتى فى الرياضة ماتقلقيش وتحبطى وترجعى بنفسك لورا تانى ،لا،انسى انك قصرتى وكملى عاااااااااادى ماتقلقيش.

تاسعا :لو حسيتى نفسك محتاجة دفعة وترفعى روحك المعنوية تعالى اقرى المقال ده تانى او اى مقال بترتاحيله وبيرفع روحك المعنوية.

المقالة الجاية ان شاء الله هاتكلم عن الجانب العملى هانعمل ايه بالتحديد عشان نخس من غير ريجيم؟؟؟؟؟؟

تعليقات
  1. الندى

    أزال المؤلف هذا التعليق.

  2. ايه احمد

    بلييييييييييييييييييييييييييز خلينى اتابع معاكى انا مرتاحه لك اوى وحاسه انك ممكن تساعدينى

  3. rony

    اية انا معاكى باذن الله ومعانا كمان عبير ان شاء الله ,ايه رايك نبدأ النظام من الاول اقرى الخطة من اولها وباذن الله نبدأ نطبقها مع حاجات جديدة هاقولها قريب

  4. Anonymous

    طب واللى قاعدين فى البيت يعملو اه